8 наурыз – Халықаралық әйелдер күніне орай Орал қаласындағы жастар шығармашылығы орталығында дирижер Асхат Хасановтың басқаруымен Батыс Қазақстан облысы әкімінің эстрадалық-симфониялық оркестрінің сүйемелдеуімен "Гүл – ару көктем" атты онлайн концерт өтті.
Концерттік бағдарламада жергілікті әншілер өнер көрсетті.
Қазақстанның еңбек сіңірген қайраткері Жаңылсын Хасанова "Жан ана" әнін шырқаса, Қазақстанның еңбек сіңірген әртісі Қанатқали Қожақов Ресей композиторы Д.Тухмановтың "Эти глаза напротив" әнін орындады.
Шара барысында әртістер марапатталып, басшылық атынан құттықтау лебізі жолданды.
Мереке қарсаңында гүл шоқтарын құшақтаған қыз-келіншектер карантин талаптарын сақтай отырып, онлайн концертті тамашалады.
Ертай Бимұханов,
zhaikpress.kz
