Наурыз мейрамы күндері Алматы вокзалынан ұлттық нақышта безендірілген «Алматы – Астана» бағыты бойынша жүретін жолаушылар пойызы салтанатты түрде жолға шықты деп хабарлайды 24.kz
Фото: telegram.org
Перронда жолаушыларды ұлттық киім киген жолсеріктер қарсы алды.
Жолаушылар мен шығарып салушыларға қазақ халқының мәдени мұрасын насихаттайтын домбыра үнімен сүйемелденген музыкалық бағдарлама ұсынылды. Сонымен қатар, әр жолаушыға дәстүрлі тағамдар — наурыз көже мен бауырсақ тарту етілді.
«Қарағанды – Астана – Бурабай курорты» бағытындағы қала маңы электр пойызы да жолаушыларға мерекелік көңіл күй сыйлауда.
Этностильде безендірілген осындай пойыздар 2025 жылдың наурызының соңына дейін қатынайтын болады.
