Жылдағы дәстүр бойынша Орал қаласындағы Тәжіден Батырұлы атындағы мешітте де «Мектепке жол» қайырымдылық акциясы ұйымдастырылды.
Осынау ізгі шара барысында 120 балаға сөмке мен мектепке қажетті құрал-жабдықтар үлестіріліп, 285 мың теңге көлемінде қаржылай көмек берілді. Мешіттің бас имамы Руслан Тыныштықұлы дінбасының арнайы сәлемін жеткізсе, қуанышқа кенелген ұл-қыздардың ата-аналары қайырымды жандарға ризашылықтарын білдірді.
Осындай игі шара Жаңақала аудандық мешітінде де өз жалғасын тауып, 15 оқушыға сабаққа қажетті оқу құралдары табысталды. Облыс аумағындағы барлық мешіттерде осындай мейірімділік шаралары жүзеге асуда.
ҚМДБ-ның БҚО бойынша
баспасөз қызметі
