Қазақстан паралимпиадалық құрамасының мүшесі Нұрдәулет Жұмағали Париждегі Паралимпиада ойындарында күміс жүлдегер атанды, деп хабарлайды Olympic.kz.
Ол 100 метрге брасс әдісімен жүзуден күміс медаль жеңіп алды (SB13 санаты). Айта кетелік, финалға дейінгі іріктеуде қазақстандық спортшы Азия рекордын орнатқан еді.
Жұмағали өз мансабында екінші рет Паралимпиада жүлдесін алып отыр. Токио ойындарында қазақстандық спортшы қола медаль иеленген болатын.
Бүгінде Қазақстан еншісінде бес медаль бар.
