Мәншүк Мәметова атындағы Орал халықаралық әуежайы 2024 жылдың қорытындысы бойынша 540 мыңнан астам жолаушыға қызмет көрсетті. Бұл – әуежайдың соңғы 55 жылдағы ең жоғары көрсеткіші. 2023 жылмен салыстырғанда жолаушылар ағыны 23%-ға өсті. Бұл туралы SarapshyInfo өз Телеграм каналына жазды.
Сурет: gov.kz
Жолаушылардың жалпы санының ішінде ішкі рейстер бойынша саяхаттағандардың саны 480 мыңнан асты.
Былтыр әуежай 10 рейс бойынша жұмыс істеді. Оның 4-уі – халықаралық. Жолаушылардың дені Астана мен Алматы қалаларына ұшқан. Көрші Атырауға да рейс сұранысқа ие болды. Халықаралық бағыттар арасында Анталья көш бастап тұр.
