Орал қаласы NIS педагогтері Шотландияның Глазго қаласында өткен ECER – 2023 (Еуропалық білім беру зерттеулері) халықаралық конференциясына қатысты.
Конференция мақсаты – әлемнің әр түкпірінен келген таңдаулы әрі білікті мұғалімдердің зерттеулеріне зер салу, педагогикалық пайым жасау, әртүрлілік мәселесін жан-жақты қарастыру.
Шетелдегі жиында директордың даму жөніндегі орынбасары Бақтыгүл Сегізбаева «Lesson Study тәсілі арқылы пәндік-тілдік интеграцияланған оқытуды (CLIL) күшейту: мұғалімдердің кәсіби дамуы және оқушылардың үлгеріміне әсері» тақырыбында таныстырылым жасап, химия пәнінің мұғалімдері Гүлсім Қиматова мен Mary Bejerano «Акт негізіндегі оқытудың химия студенттерінің академиялық үлгерімі мен STEM сауаттылығына әсері» тақырыбында зерттеу жұмысын назарға ұсынды.
Сондай-ақ ұстаздарымыз әлемдік педагогикалық жиында функционалдық сауаттылық, бағалау туралы кеңірек айтылып, білім берудегі серіктестік де тың ойлар, жаңаша көзқарастар айтылғанын жеткізді.
Орал қаласы физика-математика бағытындағы Назарбаев Зияткерлік мектебінің баспасөз қызметі
