12-15 желтоқсан аралығында Тәуелсіздік күніне орай 2010-2011 жылы туған жасөспірімдер арасында волейболдан өткен қалааралық турнир өз мәресіне жетті. Бұл туралы Орал қалалық дене шынықтыру және спорт бөлімінің баспасөз қызметі хабарлайды.
Турнирді Орал қаласының дене шынықтыру және спорт бөлімі, БҚО волейбол федерациясы мен "Орал" спорт клубы ұйымдастырды.
Жалпыкомандалық есепте І орынды Астана қаласының волейбол командасы иеленсе, "Үздік ойыншы" аталымымен сол команданың ойыншысы Жүнісәли Нұрәли марапатталды.
ІІ орынды Орал қаласының волейбол командасы, ал "Үздік ойыншы" аталымын сол команданың ойыншысы Рамазан Оралбай иеленді.
ІІІ орын Павлодар қаласының волейбол командасы, "Үздік ойыншы" аталымын сол команданың ойыншысы Әлішер Төлегенов еншіледі.
Сондай-ақ Ақтөбе қаласының волейбол командасының ойыншысы Азиз Сапиев "Үздік ойыншы" атанды.
Жеңімпаздар мен жүлдегерлер Орал қаласының дене шынықтыру және спорт бөлімінің диплом, медаль, кубоктарымен марапатталды.
