Еске салайық, қайғылы оқиға 19 сәуірде Орда көшесінде болған. Ер адам бұрынғы әйеліне 18 рет пышақ жарақатын салған. Ол ауруханаға жеткізілген, бірақ көп ұзамай қайтыс болды. Аса ауыр қылмыс жасады деген күдікпен полицейлер әйелдің бұрынғы күйеуі - Орал қалалық ТҮКШ бөлімінің қызметкері Бауыржан Хайруллинді ұстады.
Оралда әйелді өлтірген экс-шенеунік ісі: оқиғаның мән-жайы айтылды
Марқұм Айнагүл Хайруллинаның әпкесінің айтуынша, ерлі-зайыптылар ресми түрде ажырасқанына қарамастан, ер адам бұрынғы әйелін мазалай берген. Айнагүлдің артында екі баласы қалды.
Іс мамандандырылған ауданаралық қылмыстық сотқа 12 қарашада түскен. Сотталушылар орындығындағы 30 жастағы Бауыржан Хайруллин кісі өлтіру кезінде Орал қаласының ТҮКШ бөлімінде бас маман болып жұмыс істеген. Ол ҚР ҚК-нің 99-бабы "Адам өлтіру" бойынша қылмыс жасады деген күдікке ілінді. Сотқа дейінгі тергеу жеті айға созылды. Іс судья Бақыт Ермахановтың төрағалығымен қаралып жатыр.
