31 мамыр – Саяси қуғын-сүргін және ашаршылық құрбандарын еске алу күніне орай, М.Өтемісов атындағы Батыс Қазақстан университетінің Қазақстан Республикасы тарихы кафедрасы «Алаш арыстарының аманаты» тақырыбында дөңгелек үстел ұйымдастырды.
Басқосудың мақсаты – тарихтың ең бір зұлмат беттерінің бірі саналатын қуғын-сүргін құрбандарын еске алып, Алаш арыстарының елге қалдырған өсиетін бүгінгі ұрпақ санасына сіңіру. Шара модераторы – М. Өтемісов атындағы БҚУ-дың ҚР тарихы кафедрасының оқытушысы Азамат Кенжеғалиев.
Аталған шараға тарих ғылымдарының докторлары, профессорлар, магистрлер мен мектеп мұғалімдері қатысып, Алаш зиялыларының күресі мен саяси қуғын-сүргіннің қазақ қоғамына тигізген зардабы туралы баяндама жасады.
Жанерке Мерекеқызы,
«Орал өңірі»
