Бүгін Оралда «Aron Boxing club» спорт кешені ашылды.
Шыңғырлаулық кәсіпкер Арон Акиев тұрғызған спорт нысанында бір мезетте 30 боксшы жаттығу істей алады. 300 шаршы метрді алып жатқан жерде боксқа қажетті барлық құралы қойылған зал және тренажер бар.
Қала балаларын боксқа баулу мақсатында салынған ғимараттың ашылуы салтанатына облыс әкімнің орынбасары Қалияр Айтмұхамбетов, Шыңғырлау ауданының әкімі Мұрат Өмірәлиев, облыстық дене шынықтыру және спорт басқармасының басшысы Жеңіс Нығметуллин, ҚР еңбек сіңірген жаттықтырушысы Марат Елеусінов, Шыңғырлау бокс мектебінің негізін қалаған бапкер Александр Пятин, бокстан әлем чемпионы Галиб Джафаров қатысты.
Түгелбай Бисен
Фото: Мади Салық
zhaikpress.kz
