Қарттар күнінде Орал шаһарындағы 5517 әскери бөлімнің әскери қызметшілері, бөлімнің әйелдер кеңесімен бірге 13 Отан соғысының ардагерлері мен әскери зейнеткерлердің шаңырақтарына арнайы барып, құттықтады.
-Бүгінгі жас буынды отансүйгіштікке тәрбиелеу мен белсенді өмір ұстанымын қалыптастыруда ардагер ата-апаларымыздың өмірі мен еңбек жолдары бізге үлгі. Қай кезде де, небір сын сағатта да халқына сүйеу, жұртына қамқор болатын қарияларымыз аман жүрсін, ұрпағының қуанышына бөленсін, — деді 5517 әскери бөлім командирінің әлеуметтік-құқықтық тәрбие жөніндегі орынбасары, подполковник Жәнібек Сәрсенов.
Кездесу барысында ардагерлер өз еңбек жолы туралы әңгімелеп, Ұлттық ұлан жауынгерлеріне алғыс білдірді.
-Бізді ұландықтар ұмытпайды, әрдайым мерекелерде келіп, құттықтап турады, мүмкіндігінше көмектеседі. Сый-құрметтері үшін алғысым шексіз,-деді соғыс ардагері Вениамин Пантелеевич Скаленко.
Айта кетейік, мұндай қайырымдылық іс-шаралары Қазақстан Республикасының Ұлттық Ұлан «Батыс» өңірлік қолбасшылығының барлық әскери бөлімдерінде ұйымдастырылды.
Подполковник Ерболат Сұлтанов, Орал қаласы
