23 ақпан күні сағат 19:00-де «Атамекен» өнер ордасының ұйымдастыруымен Қазақстанның Халық әртісі, ҚР Мемлекеттік сыйлығының иегері, әнші-композитор Е.Хасанғалиевтің өмірі мен шығармашылығына арналған «Асыл арман» атты қойылымының премьерасы өтеді.
Қойылымды «Атамекен» жастар музыкалық театры сахналайды. Идея авторы – ҚР Еңбек сіңірген қайраткері,өнертану PhD докторы, профессор АСХАТ МАЕМИРОВ болса, авторы – халықаралық «Алаш» әдеби сыйлығының иегері, жазушы-драматург МӘДИНА ОМАРОВА.
Режиссері – Грузия мемлекетінде өткен Н.Думбадзе атындағы Халықаралық театрлар фестивалінің «Үздік режиссері» ГАУХАР АДАЙ. Ал қоюшы суретші әрі киім суретшісі – ҚР Мәдениет саласының үздігі, ҚР Суретшілер Одағының мүшесі ГҮЛДАНА АЛИНА.
Мақсаты – есімі республикаға, шетелдерге танымал, қазақ руханиятына өлшеусіз қызмет еткен аңыз тұлға, әнші-композитор Ескендір Хасанғалиевтің өмірі және қазақ музыка өнерінде алатын орны мен әндерінің ерекшелігін театр сахнасы арқылы насихаттау; жастар музыкалық театры әртістерінің шеберліктерін кәсіби деңгейге көтеру; аталмыш қойылыммен Қазақстанның өзге өңірлерін аралап, бұқара халықтың театрға келу мәдениетін қалыптастыру.
Шақырулы қонақтар: Батыс Қазақстан облысының әкімі Н.Төреғалиев,
Е.Хасанғалиевтің жары – "Құрмет", "Шапағат" ордендерінің иегері Хасанғалиева Дарико Сопыжанқызы, Е.Хасанғалиевтің ұлы – «Құрмет» орденінің иегері, әнші, композитор Біржан Хасанғалиев, Халықаралық «Алаш» әдеби сыйлығының иегері, белгілі жазушы, драматург – Омарова Мадина Мырзахметқызы, ҚР Президентінің кеңесшісі, Баспасөз хатшысы Берік Уәли, қазақтың ақыны, журналист, публицист Жанарбек Әшімжан, Жазушы-драматург, сценарист, Халықаралық «Алаш» әдеби сыйлығының лауреаты, Қазақстанның еңбек сіңірген қайраткері, өнертану PhD докторы, профессор – Асхат Маемиров, т.б. аймақтық театр басшылары мен режиссерлері, өңіріміздің зиялы қауым өкілдері мен бірқатар облыстық басқарма басшылары.
Ұйымдастырушы – «Атамекен» өнер ордасы
Өтетін уақыты: 23.02.2024, сағат: 19.00
Өтетін орны: «Атамекен» өнер ордасы, Қадыр Мырза Әлі ш/а 12/2
Байланыс тел.номері: 8 702 239 75 93, 8 775 285 48 82.
«Атамекен» өнер ордасының
ақпарат бөлімі
