Бүгін Орал қаласындағы «Звезда» бильярд клубында БАҚ өкілдері арасында классикалық бильярдтан турнир өтті. Бұл турнирді «ТДК-42» телеарнасы 16 желтоқсан – Тәуелсіздік күніне орай ұйымдастырды.
Фото авторы: Нұрлыбек Рахманов
Жарыстың ашылу салтанатында аталған телеарнаның директоры Рустам Машарипов сөз алып, қатысушыларға сәттілік тіледі. Оған қоса іс-шараның демеушілері – «Серік» ӨЖК, «Домбыра» мейрамханасы, «Batysminiralsu» ЖШС және «Geona» кәсіпорнына алғысын жеткізді.
Жалпы осы турнирде «Хабар» телеарнасының Батыс Қазақстан облысындағы меншікті тілшілері, «ТДК-42», «Aqjaiyk» телеарнасы және «Жайық Пресс» ЖШС мамандары бой көрсетті. Жарысқа жалпы саны 16 қатысушы қатысты.
Турнир жүлдесінің жалпы қоры – 165 мың теңге. Бильярд жарысының нәтижесі бойынша 1-орынды Сергей Уланов (ТДК-42) жеңіп алды. 2-орынды Мәрлен Ғилымхан («Жайық Пресс» ЖШС) иеленді.
3-орынға Дархан Оразов («Жайық Пресс» ЖШС) табан тіреді. 4-орынды Рахат Ажығалиев (ТДК-42) місе тұтты.
Мәрлен Ғилымхан,
«Орал өңірі»
