Достық үйінде «Адал азамат – қоғам тірегі» атты дөңгелек үстел өтіп, гендерлік зорлық-зомбылыққа қарсы 16 күндік акцияның қорытындысы жасалды.
Жиынға прокуратура, полиция, қоғамдық ұйымдар, ғалымдар мен аналар кеңесі өкілдері қатысып, өз салаларындағы нақты мәселелерді ашық талқылады.
Спикерлер зорлық-зомбылықтың алдын алуда заңның қаталдығы, полицияның жедел әрекеті және қоғамның үнсіз қалмауы шешуші рөл атқаратынын айтты.
Сондай-ақ ақпараттық қауіпсіздік, балалардағы буллинг, ер-азаматтардың отбасы тәрбиесіндегі орны секілді маңызды мәселелер де күн тәртібіне шығарылды.
Әр сөз бен ұсыныс қоғамдағы тәртіп пен отбасылық қауіпсіздікті күшейтуге бағытталды. Кездесу соңында барлық тарап тек бірлескен әрекет пен тұрақты жұмыс қана зорлық-зомбылықтың азаюына ықпал ететінін атап өтті.
Жанерке Мерекеқызы
Суретке түсірген: Мәди Салық
«Орал өңірі»
