Оралда автокөлік велосипедпен жүрген ер адамды қағып кетті, деп хабарлайды ҚазАқпараттың өңірдегі тілшісі.
БҚО полиция департаментінің баспасөз қызметі мәлім еткеніндей, 13 қазан күні шамамен сағат 22.40-та Ескі әуежай шағынауданында Светлая көшесінде болды. 37 жастағы жүргізуші «HINO RANGER» автокөлігімен (манипулятор) белгіленбеген жерден велосипедпен өтіп бара жатқан ер адамды қағып кеткен. Жасы 25-30-дағы, еуропа пішіндес ер адам сағат 23.20-да есін жия алмастан, ауруханада көз жұмды. Кейін велосипедпен жүрген адамның 33 жастағы қала тұрғыны екені анықталды. Медициналық куәландыруға сәйкес жүргізуші ішімдік ішпеген. Қазіргі кезде ҚР ҚК 345-бабы 3-бөлігіне сәйкес сотқа дейінгі тергеу амалдары жүргізілуде.
