Республикалық референдум күні Орал қаласына қарасты елді мекендердегі бірқатар сайлау учаскелерінің алдында азық-түлік жәрмеңкелері ұйымдастырылды. Атап айтқанда, Орал қаласындағы Зачаганск кентіндегі №216, Круглоозерное ауылындағы №431 және №300, Деркөл кентіндегі №44 және №49, сондай-ақ Желаево ауылындағы №493 сайлау учаскелерінің алдында азық-түлік жәрмеңкелері ұйымдастырылды.
Жәрмеңкелердің басты мақсаты - тұрғындарға әлеуметтік маңызы бар азық-түлік өнімдерін қолжетімді бағамен ұсыну және жергілікті ауыл шаруашылығы өндірушілерін қолдау. Сауда орындарында ет, сүт өнімдері, көкөніс, жұмыртқа, ұн және басқа да күнделікті тұтынатын тауарлар сатылымға шығарылды.
Жәрмеңкеге келген ауыл шаруашылығы тауар өндірушілері мен кәсіпкерлер өз өнімдерін әкеліп, тұрғындарға нарық бағасынан төмен бағамен ұсынды.
Ұйымдастырушылардың айтуынша, мұндай жәрмеңкелер тұрғындардың дауыс беру күні қолайлы жағдай жасауға және қала маңындағы елді мекендерде әлеуметтік тұрақтылықты қамтамасыз етуге бағытталған. Тұрғындар жәрмеңкеде қажетті азық-түліктерін сатып алып, референдум учаскелеріне барып дауыс беруге мүмкіндік алды.
zhaikpress.kz
