Ұлттық ұлан әскер қатарында жастарға әскери – патриоттық тәрбие беру мақсатында үгіт насихат жұмыстарын жүргізуде. Орал қаласында орналасқан Ұлттық ұланның 5517 әскери бөлімінің офицерлері жастардың рухы мен жігерін арттыру мақсатында Орал қаласында орналасқан № 48,49 жалпы білім беру мектептерінің жоғарғы сынып оқушыларымен кездесу өткізді.
Кездесудің негізгі мақсаты жастарға қоғамдық қауіпсіздік пен тәртіпті қамтамасыз ететін Ұлттық ұлан жауынгерлерінің қызметі мен әскери дәстүрін дәріптеу. Сондай-ақ еліміздің отыз екі жыл ішінде әр салада жеткен жетістіктері мен бағындырған белестерін баяндап, жастардың ел болашағына деген сенімін арттыру.
Кездесу барысында 5517 әскери бөлімінің офицерлері,оқушыларға Ұлттық ұланның құрылу тарихы мен атқаратын жауынгерлік міндеттері туралы жеткізді. Содан кейін оқушылардың назарына Ұлттық ұлан туралы бейне фильм ұсынылды. Іс-шарада мейлінше көрікті көрінетін әскери адамдардың киімдері де болашаққа үлкен қадам жасағалы отырған оқушыларды абыройлы қызметке еліктірмей қоймасы сөзсіз еді. Қала берді, дәліз бойында орналасқан азаттықтың ақ таңының қадірін ұғынуға, елдегі тыныштық пен тұрақтылықты бірлесе қамтамасыз етуге, елді қауіп-қатерден қорғауға дайын болуға үндейтін, әскери қызметтің абыройлылығын түсіндірер кітапшалар, газет-журналдар, әскери бөлімшелердің тыныс-тіршілігімен таныстырар суреттер оқушылардың назарына ұсынылды.
Осындай,тағылымды шаралар нәтижесінде жастардың әскери өмірге деген қызығушылықтары артып, алдағы уақытта әскер қатарында Отан алдындағы азаматтық борышын өтеуге ынта білдірушілер мен әскери оқу орындарында білім алғысы келетіндер қатары көбейетініне сеніміз мол.
Капитан,
Әубакир Ертуған
