Орал қалалық ақпараттық-талдау және жастармен жұмыс жөніндегі ресурстық орталығының ұйымдастыруымен «Үздік – 2022» байқауы өткізілді.
Білімді жастар мен үздік ұжымдарды анықтау және студенттер арасында достық байланыс орнатуды мақсат еткен аталмыш іс-шара 3 аталым бойынша өрбіді.
Шаһардағы білім ордаларының ұсынымы негізінде әр аталым бойынша 20-ға тарта қатысушы өтінім білдіріп, байқауға өз жұмыстарын жолдады.
Арнайы құрылған комиссия шешімімен «Үздік студент» аталымы бойынша М.Өтемісов атындағы БҚУ студенті Қоблан Мирас, «Үздік студенттік ұйым» аталымы бойынша «Мұрагер» студенттік театры, «Үздік студенттер бөлмесі» аталымында М.Өтемісов атындағы БҚУ №1 жатақханасының 86 бөлмесінің жастары өзге қатысушылардан оқ бойы озып, жеңімпаз атанды.
Жүлдегерлерге арнайы статуэтка, диплом мен қаржылай сыйақы табысталды.
Ернұр Кінəмə,
Орал қалалық ресурстық орталығы
