БҚО ПД Ұйымдасқан қылмысқа қарсы күрес басқармасының қызметкерлері «STOP-Трафик» жедел-профилактикалық іс-шарасын жүргізу барысында жалдамалы пәтерінде жыныстық қызмет көрсету үшін притон ұйымдастырған 33 жастағы қала тұрғынын анықтады. Бұл туралы БҚО ПД баспасөз қызметі хабарлады.
«Ол клиенттеріне Батыс Африкадағы Сьерра-Леоне Республикасының тумасы, 1999 жылы туған бойжеткенді эротикалық боди-массаж түріндегі жыныстық қызметті көрсету үшін ұсынған және сол үшін ақша алған.
Аталған факті негізінде ҚР ҚК-нің 309-бабы 1-бөлігімен (Жезөкшелiкпен айналысуға арналған притондар ұйымдастыру немесе оларды ұстау және жеңгетайлық) сотқа дейінгі тергеп-тексеру жұмыстары басталды», делінген хабарламада.
zhaikpress.kz
