Мемлекеттік қызметтерді кедергісіз алу үшін тағы бір өзіне-өзі қызмет көрсету секторы жұмыс істей бастады. Аталған сектор Орал қаласы № 3 халыққа қызмет көрсету бөлімінде Жәңгір хан көшесі, 160/4 мекенжайы бойынша орналасқан.
"Біздің міндетіміз – көрсетілетін мемлекеттік қызметтердің қолжетімділігін қамтамасыз ету. Бұл сектор, ең алдымен, Зашаған кенттік округі тұрғындарына ыңғайлы болу үшін жасалған. Сектор ұйымдастыру техникасымен жабдықталған 6 жұмыс орнынан тұрады. Мемлекеттік қызметтерді алуға жүгінгендерге осы бөлімнің мамандары көмектеседі. Кез келген клиенттің қаладағы басқа бөлімдерге бармай-ақ, электрондық қызметтерді осы жерден алу мүмкіндігі бар", - деді "Азаматтарға арналған үкімет" мемлекеттік корпорациясы БҚО бойынша филиалының директоры Надир Құрымбаев.
Сондай-ақ, ол қала бойынша 7 өзіне-өзі қызмет көрсету секторы жұмыс істейтінін айтты:
| Мекеме атауы | Мекенжайы | Жұмыс уақыты |
| Орал қ. №1 халыққа қызмет көрсету бөлімі | Жамбыл көшесі, 81/2 | Дүйсенбі мен жұма аралығында сағат 09.00-ден 20.00-ге дейін, түскі үзіліссіз
|
| Орал қ. №2 халыққа қызмет көрсету бөлімі | Исатай-Махамбет көшесі, 84 | Дүйсенбі мен жұма аралығында сағат 09.00-ден 18.00-ге дейін, түскі үзіліссіз
|
| Орал қ. №3 халыққа қызмет көрсету бөлімі | Жәңгір хан көшесі, 160/4 | Дүйсенбі мен жұма аралығында сағат 09.00-ден 18.00-ге дейін, түскі үзіліссіз
|
| Орал қ. Мамандандырылған бөлім (автоХҚО) | Жәңгір хан көшесі, 160 | Дүйсенбі мен жұма аралығында сағат 09.00-ден 18.00-ге дейін, түскі үзіліссіз
|
| Орал қ. Мемлекеттік кірістер басқармасы | Некрасов көшесі, 30/1
|
Дүйсенбі мен жұма аралығында сағат 10.00-ден 18.00-ге дейін, түскі үзіліс сағат 13.00-ден 14.00-ге дейін. |
| Халықты жұмыспен қамту орталығы | Құрманғазы көшесі, 173 | Дүйсенбі мен жұма аралығында сағат 09.00-ден 18.00-ге дейін, түскі үзіліс сағат 13.00-ден 14.00-ге дейін.
|
| «Жұмыспен қамту және әлеуметтік бағдарламалар бөлімі» ММ мүгедектер мен ардагерлерді әлеуметтік қорғау секторы | Н.Назарбаев даңғылы, 161 | Дүйсенбі мен жұма аралығында сағат 09.00-ден 18.00-ге дейін, түскі үзіліс сағат 13.00-ден 14.00-ге дейін.
|
Аудандық ХҚО бөлімдерінде өзіне-өзі қызмет көрсету бұрыштары бұрыннан да жұмыс жасайды. Ауылдық округтерде электрондық қызметтерді жергілікті әкімдіктен алуға болады.
Анықтама үшін: Қазіргі таңда мемлекеттік қызметтер тізіліміндегі 694 қызметтің 91,7% электрондық үкімет порталы egov.kz арқылы қолжетімді.
«Азаматтарға арналған үкімет»
мемлекеттік корпорациясы
БҚО бойынша
филиалының баспасөз қызметі
