Бүгін сағат 08:20-да БҚО Казталов ауданы Жалпақтал ауылының жанынан өтетін "Чапай-Жалпақтал-Казталов" тасжолында жол-көлік оқиғасы болды, деп хабарлайды БҚО ПД баспасөз қызметі.
Тексеру кезінде "ГАЗ-3102" автокөлігінің жүргізушісі рульді басқара алмай, жол жиегінде тұрған "КАМАЗ"автокөлігімен соқтығысқаны анықталды.
Апат салдарынан төрт адам қаза тауып, үшеуі ауруханаға жатқызылды, олардың екеуі кәмелетке толмаған балалар. Жол-көлік оқиғасы фактісі бойынша сотқа дейінгі тергеп-тексеру жүргізілуде.
Жол-көлік оқиғасы кезінде полиция қызметкері пен оның жұбайы "ГАЗ-3102" автокөлігінің жолаушылары болған.
Батыс Қазақстан облысы Полиция департаментінің басшылығы мен жеке құрамы қаза тапқандардың отбасы мен жақындарына көңіл айтады.
Полиция жол қозғалысының барлық қатысушыларын жол ережелерін қатаң сақтауға шақырады.
