Бүгін, түстен кейін Орал қаласындағы «Динамо» спорт кешені маңында жол апаты болды.
Суреттер әлеуметтік желілерден алынды
Жол апатынан ер адам мен 2009 жылғы қыз бала зардап шеккен. Оны дереу көпбейінді балалар ауруханасына жеткізген.
«Жол апатынан зардап шеккен 2009 жылғы қыз баланы дәрігерлер қарап, амбулаториялық ем тағайындап, үйге жіберді. Ал ер адамның жағдайы ауыр. Ол облыстық көпбейінді аурухананың жансақтау бөлімінде. Дәрігерлер барлық көмекті көрсетіп жатыр» - деп хабарлады облыстық Денсаулық сақтау басқармасының баспасөз қызметі.
Оқиға туралы полиция департаменті әлі толық ақпарат берген жоқ.
Жанат Көшкінбай
zhaikpress.kz
