Бүгін Оралда орналасқан Қазақстан Республикасы Ұлттық ұланының 5517 әскери бөлімінің сарбаздарына еліміздің жоғары оқу орындарына түсу үшін арнайы сертификаттар табысталды.
Жоғары білім алуға арналған бұл гранттар жауынгерлік қызмет барысында ерекше көзге түскен сарбаздарға беріледі. Сондықтан да бүгін қызмет барысында ерекше көзге түскен сарбаздарға әскери бөлімнің саптық аланыңда Қорғаныс министрлігінің сертификаттары салтанатты түрде табысталды.
Атап өтер жайт, сертификаттарды жеңіп алған сарбаздар алдағы уақытта еліміздегі беделді оқу орындарына ұлттық бірыңғай тестілеуді тапсырмай түсе алады.
ҚР ҰҰ «Батыс» өңірлік қолбасшылығының
баспасөз қызметі
