Грекияда ұйымдастырылған Халықаралық Экономикалық Олимпиадада (IEO) Орал қаласы Назарбаев Зияткерлік мектебінің 11-сынып оқушысы Нұрдаулет Хайдар қола медальға ие болды.
24 шілде мен 2 тамыз аралығында өткен аталған әлемдік білім додасына Қазақстан құрамасы қашықтан қатысты. Еліміздің намысын қорғаған команда бір күміс, төрт қола медальмен қанжығасын майлады.
Олимпиада тестілеу, ашық сұрақтар, қаржылық ойын және бизнес кейс кезеңдерінен тұрды.
– Халықаралық Олимпиада тапсырмалары республикалық кезеңдегідей болды. Тапсырмаларды орындауға аз уақыт берілді. Бірақ сұрақтардың басым бөлігіне сәтті жауап беріп, қола медальға қол жеткіздім. Бұл олимпиада арқылы өзімнің кемшіліктерімді де байқадым. Егер тағы бір рет қатысу мүмкіндігі болса, алтын медаль алу үшін бар күшімді саламын, – дейді жас экономист Нұрдәулет.
Жүлдегеріміздің жетекшісі – мектебіміздің экономика пәнінің мұғалімім Айгерім Рахым.
Мөлдір Латифова,
Орал қаласы физика-математика бағытындағы Назарбаев Зияткерлік мектебінің баспасөз хатшысы
