Орал NIS оқушылары «Science. Technology. Algorithmization. Programming» халықаралық ғылыми жобалар байқауында жүлделі болды. Алматы қаласы республикалық физика-математика мектебінде өткен сайыста 250-ден астам оқушы сынға түсті.
Сайыс бірнеше бағыттан тұрды. Оның ішіндегі STEM бөлімі бойынша мектебіміздің 11-сынып оқушысы Мейірбек Шәміш пен 9-сынып оқушысы Расул Зинолла ІІ орынды жеңіп алды. Зияткерлер компьютермен жұмыс істеу кезінде көзге қатысты эргономика ережелерінің сақталуын қадағалайтын аппараттың жобасын ұсынды. Ал «мобильді қосымшалар, оқыту бағдарламалары» секциясынан 11-сынып оқушысы Марат Хусаинов пен 10-сынып оқушысы Әсер Умарғали ІІІ орынды еншіледі.
Оқушылар көпшілікті тері суреттері арқылы ірі қара мал ауруын диагностикалайтын мобильді қосымшамен таныстырды.
Орал қаласы Назарбаев Зияткерлік мектебінің баспасөз қызметі
