Бүгінде сүйікті кәсібіне «құлай берілген», өз ісінің нағыз жанашыры, энтузиаст, ешкімге ұқсамайтын харизмасы бар адамды сирек кездестіресің. Солардың бірі – бесаспап бағбан, әйгілі ғалым-селекционер Мичуриннің тікелей шәкірті Сергей Исаевтың ісін жалғастырушы, қала іргесіндегі С.Исаев атындағы халықаралық эксперименталдық коллекциялық тәлімбақтың жетекшісі Қайрат Кәрімов. Ол – дүние жүзі бойынша санаулы, ал ТМД елдері арасында алдыңғы орында көш бастап тұрған эксперименталды бақта алма сұрыптары мен телімдерінің 200, жүзімнің 175 түрін және өзге де жеміс ағаштарының ең үлкен тектік қорының (генофонд) коллекциясын жасақтаған адам.
Толығырақ білгіңіз келсе, облыстық «Орал өңірі» газетінің 2021 жылғы 30 наурыз күнгі №25 санынан журналист Ләззат Шағатайдың «Оралдың алмасының атын шығарсам деймін» атты мақаласын оқыңыз, қадірлі оқырман!
zhaikpress.kz
