Өзбекстанда электромобильдер импорты 3 есеге өскен

Өзбекстанға импортталатын электромобильдер саны шамамен 3 есе өсті. Бұл туралы ҚазАқпарат ӨзА сілтеме жасап хабарлайды.

Өзбекстанның мемлекеттік статистика комитетінің мәліметінше, Өзбекстан 2022 жылдың қаңтар-қараша айларында шетелден жалпы құны 61,3 млн АҚШ долларын құрайтын 1912 электромобиль импорттаған.

2021 жылдың сәйкес кезеңімен салыстырғанда электромобильдер импорты 1 223-ке өскен.

Өзбекстанға әкелінген электромобильдер негізінен мына елдерден импортталған.

• Қытай – 1675 дана
• БАӘ – 111
• Германия – 56
• Гонконг - 42
• Литва - 10
• Корея - 7
• Басқа елдер – 11 дана

Фото: uza.uz