Біз пациенттерден тегін медициналық көмектің кепілдік берілген көлемі шеңберінде немесе міндетті әлеуметтік медициналық сақтандыру жүйесінде көзделген қандай да бір медициналық қызмет үшін не шығыс материалы немесе дәрілік препараттар үшін қосымша ақы төлеуді сұрайтынын жиі естиміз. Қосымша ақы төлеу қажет пе? Нақты мысалдарды қарастырайық.
❗ Сізден МРТ, КТ немесе рентген-тексеру нәтижелері бар дискіге немесе пленкаға қосымша ақы төлеуді сұрайды
☝? Пленка мен оптикалық жеткізгіш үшін, яғни рентген, компьютерлік томография немесе магнит-резонанстық томография нәтижелерін жазу үшін дискіге қосымша ақы төлеудің қажеті жоқ. Бұл шығындар ТМККК немесе МӘМС есебінен көрсетілетін қызметтердің құнын қалыптастыру кезінде ескерілген.
Егер тікелей шығыстар қызмет көрсету процесіне қатысатын қызметкерлердің еңбегіне ақы төлеуді, дәрілік заттар мен медициналық бұйымдарды сатып алуды, сервистік қызмет көрсетуге, оның ішінде пленкаға арналған шығыстарды көздесе, онда үстеме шығыстарға кеңсе тауарлары, коммуналдық шығыстар, оның ішінде дискілерге арналған шығындар салынған.
❗ Сізден кейбір шығын материалдары үшін, мысалы, стернальды пункция кезінде ине үшін бөлек төлем жасау сұралады немесе емхананың төлемге кепілдік хатын талап етеді
☝? Медициналық қызметтерді көрсетуге арналған емханамен бірлесіп орындау шартын жасасқан Бірлесіп орындаушының ҚР ДСМ 2020 жылғы 20 желтоқсандағы №291/2020 бұйрығымен бекітілген Қызметтерге ақы төлеу қағидаларының 34-тармағына сәйкес емханадан немесе пациенттің өзінен шығыс материалдарына қосымша шығындарды өтеуді талап етуге құқығы жоқ. Сондықтан мұндай кез-келген талап заңсыз болып табылады.
Пункция жүргізу кезінде стерналды сұйықтықты алуға арналған инеге келетін болсақ, ол қызмет құнына кіреді және МӘМС есебінен толық ұсынылады.
❗ Сізден дәрі-дәрмектерді күндізгі стационарға әкелуді немесе сол жерде олар үшін төлем жасауды сұрайды
? Егер проблемалық жағдай шешілмесе, Әлеуметтік медициналық сақтандыру қорына келесі байланыс арналары арқылы хабарласыңыз.
«Әлеуметтік медициналық сақтандыру қоры» КеАҚ-ның
Батыс Қазақстан облысы бойыша филиалы
