Бұл ретте ол Қазақстанның екінші реттік санкцияларға ұшырамайтынын атап өтті.
Біз Ресейге қарсы санкциялардың экономикамызға кері әсерін болдырмау, оның ішінде қайталама санкциялардың алдын алу үшін үкіметтің жұмыс тобын құрдық. Жұмыс тобы табысты жұмыс істеуде, Еуропалық комиссиямен және АҚШ әкімшілігімен тұрақты консультациялар жүргізілуде, - деді Мұхтар Тілеуберді.
2022 жылғы тамызда Қазақстан Президенті Қасым-Жомарт Тоқаев Сочиге жұмыс сапары аясында Владимир Путинді қазан айында Қазақстанда өтетін ТМД саммитіне қатысуға шақырды. Тоқаев «әсіресе Ресей ТМД-да маңызды рөл атқаратындықтан» Путиннің жеке қатысуына сенетінін айтты.
