Михаил Кукушкин Ролан Гаррос турнирі іріктеу сайыстарының финалына өтті. Бұл жаңалықты Қазақстан теннис федерациясының баспасөз қызметі бөлісті.
Фото: ktf.kz
Франция ашық чемпионатында талай рет бақ сынаған 36 жастағы теннисші бұл жолы іріктеу сайыстарының жартылай финалында аустралиялық Ли Тудың меселін қайырды.
Кукушкин матчты 6:4, 6:2 есебімен аяқтады.
Михаил Кукушкин іріктеу сайыстарының финалында әлемнің 206-ракеткасы, италиялық Франческо Маэстреллимен шеберлік таластырады. Оны ұтса, Кукушкин негізгі жарысқа жолдама алады.
