Батысқазақстандықтар сайлауға белсенді қатысуда. Батыс Қазақстан облысында 443 мыңға жуық сайлаушы тіркелсе, соның 229 641-і Орал қаласында. Қалада - 123 сайлау учаскесі бар.
Өңірдегі ауа-райының күрт құбылып, қардың жауғанына қарамастан халық дауыс беруге белсенді келуде. Қаладағы сайлау учаскелерінде оларға сыйлық та берілді.
Орал қаласының жастармен жұмыс жөніндегі ресуртық орталығы ең бірінші болып дауыс берген, отбасымен дауыс берген, үлкен ата-әжелерге, 18-ге толып алғаш рет дауыс берген жастарға және балаларға сыйлық беруде.
Орталық 100-інші және 500-інші болып келіп дауыс бергендерді де сыйлықсыз қалдырмайды.
Динара Тілекқызы,
сурет Орал жастарының ресурстық орталығынан
zhaikpress.kz
