Шешенстанда коронавирусқа байланысты енгізілген барлық шектеулер алынып тасталды. Соның ішінде республикада бетперде кию режимі жойылды. Рамзан Қадыровтың сөзін Instagram желісінде Үкімет төрағасының орынбасары Елхан Сүлейманов жариялады.
-COVID-19 таралуы бойынша жағдай қолайлы, келіп түскен науқастардың саны бірлікпен есептеледі, ал кей күндері науқастар мүлде жоқ. Сырқаттанушылық нөлге тең, тек бірнеше пациенттер реанимация бөлімдерінде жатыр. Сондықтан мен COVID-19-мен күресу үшін енгізілген барлық шектеулерді алып тастауды шештім, - деді Рамзан Қадыров.
