"Қазгидромет" РМК ұсынған мәлімет бойынша, алдағы күндері республиканың батысы мен солтүстік-батысында күн райы құбылмалы болады. Синоптиктердің болжауынша, жаңбыр жауады, түнде республиканың солтүстік-батысында қар аралас жаңбыр жауады, жел күшейеді.
"Қазақстанның қалған бөлігінде күн ашық болады деп болжанды, тек 18-19 қазанда ғана еліміздің солтүстігінде аздаған жауын-шашын (негізінен жаңбыр) болуы мүмкін", – деді синоптиктер.
Республика бойынша түнде және таңертең тұман түседі.
Ауа температурасы түнде Қазақстанның басым бөлігінде 0-10 градус жылы, солтүстік жартысында, сондай-ақ республиканың оңтүстік-шығысындағы таулы аймақтарда 3 градус үсік жүреді.
Күндіз ауа температурасы 10-18 градустан 5-15 градусқа дейін біртіндеп төмендейді.
Синоптиктердің болжамынша, тек еліміздің шығысында, оңтүстігінде және оңтүстік-шығысында термометрлер біртіндеп көтеріледі:
- шығыста 5-15 градустан 10-18 градусқа дейін,
- Қазақстанның оңтүстігі мен оңтүстік-шығысында 10-22-ден 15-25 градусқа дейін.
