Батыс Қазақстан облысындағы Пятимар су қоймасынан Көшімнің төменгі сағаларына су жіберіліп жатыр. Бұл жайында Су ресурстары және ирригация министрлігінің ресми өкілі Мөлдір Әбдуалиева орталық коммуникациялар қызметінде өтіп жатқан баспасөз мәслихатында мәлім етті, деп жазады KAZINFORM.
Сурет: kaz.inform.kz
- Былтыр тасқын суды сауатты бөлудің арқасында қоймалар суға толтырылды, шаруаларға қажет көлемде су жиналды және дихандар суармалы сумен толық қамтамасыз етілді. Министрлік тапсырмасы бойынша Батыс Қазақстан облысындағы көлдер жүйесіне тасқын су жіберіле бастады. Атап айтқанда, облыстағы Қазсушар филиалы Пятимар су қоймасынан Көшім өзенінің төменгі ағысында орналасқан көлдерге су жіберіп жатыр. Қалған өңірлер әзірге су жинау режимінде жұмыс істеп жатыр. 1 ақпаннан бері бүгінгі күнге дейін еліміздің су қоймаларына 1,7 млрд текше метр тасқын су жиналды, - деді Мөлдір Әбдуалиева.
Сондай-ақ, ол өңірде Үлкен және Кіші өзендерінде су қоймаларын салуға дайындық басталып кеткенін айтты.
- Сонымен бірге Бітік, Дөңгелек және Пятимар су қоймаларын реконструкциялау жұмысына дайындық жүргізіліп жатыр, - деді ресми өкіл.
