Батыс Қазақстан облысының әкімі Нариман Төреғалиев Токио қаласында өткен XXV жазғы Сурдлимпиада ойындарының күміс жүлдегері, жерлесіміз Анастасия Тимошенкованы қабылдады.
Әлемнің үздіктері бақ сынаған дүбірлі додада бұрымды командалық дзюдо бәсекесінде жоғары шеберлік пен қайсарлық танытты.
Аймақ басшысы спортшыны құттықтап, екі бөлмелі пәтердің кілтін табыс етті.
- Сіздің жетістігіңіз өңір тұрғындары үшін үлкен мақтаныш. Бұл – тек спорттағы табыс емес, бұл – жігер мен табандылықтың, отансүйгіштіктің жарқын үлгісі. Алдағы уақытта да биік белестерді бағындыра беруіңізге тілекшімін, – деді Нариман Төреғалиев.
Кездесу барысында ел мерейін өсірген спортшының бапкері Теміржан Хасанғалиевке де құрмет көрсетілді.
БҚО әкімінің баспасөз қызметі
