Студент статусы барлар әскерге шақырылмайды

Бұл туралы сенат кулуарында Қорғаныс вице-министрі Шайх-Хасан Жазықбаев айтты, деп хабарлайды BAQ.KZ тілшісі.

Әскер ЖП

- Студент деген статусы болса оқуын бітіргенше әскерге шақырылмайды. Қазіргі қаралып жатқан заңда бекітілген мәселен ЖОО-ға түседі ол уақытта ол әскерден босатылады. Одан кейін магистратураға түссе тағы да босатылады. Доктарантураға түссе тағы босатылады. Бірақ әр деңгейден бір-бір ЖОО ғана. Екінші магистратура босатылмайды,- деді ол.

Оқуға құжатын тапсырып қойған соң студент атанбаса заңды түрде әскерге алып кете ме деп BAQ.KZ тілшісі сауал қойды.

- Егер шақыруда тұрса заңды түрде алып кетеміз. Тек қана оқумен ғана босатылмайды. Отбасылық, денсаулық жағдайына қарайды. Шектеулерге сәйкес келмесе әскерге шақырылады, - деді ол.

Шақырыла ма, әлде күштеп алып кете ме деген сауалымызға былай жауап берді.

- Біз 20 мыңын ғана шақырамыз. Тағы бір санда тұрған кісілер яғни іздеудегі егер де ол заңды бұзып жүрген болса , жергілікті органдардың ішкі істер қызметкерлерімен әскери комиссариатқа алып келінеді, - деді ол.