Тимофей Скатов Бостад (Швеция) ATP 250 турнирінің ширек финалына шықты. Бұл жөнінде ҚТФ баспасөз қызметі жазды.
Сурет: ҚТФ баспасөз қызметі
Жарысты іріктеу сайыстарынан бастаған қазақстандық теннисші екінші айналымда әлемнің 27-ракеткасы, нидерландылық Таллон Грикспурды жолдан тайдырды.
Бірінші партияда нидерландылық теннисші 6:1 есебімен айқын басымдылық көрсеткенімен, одан кейін Скатов камбэк жасай алды – 6:3, 6:3.
Осылайша, Скатов өз спорттық жолында алғаш рет ATP 250 додасында қатарынан екінші жеңісіне қол жеткізді.
Тимофей жартылай финалға шығу үшін португалиялық Нуну Боргешпен кездеседі.
