Әскери қызметін орындау кезінде Ақтөбедегі террорлық шабуылдан 2016 жылдың 5 маусымында қаза тапқан кіші сержант Берікжан Қалиевтің отбасына Оралдағы әріптестері арнайы барды.
5517-әскери бөлім командирінің тәрбие және әлеуметтік-құқықтық жұмыстар жөніндегі орынбасары, подполковник Жәнібек Сәрсенов марқұмның жұбайы Нұрсұлу Қалиева мен балаларын Жаңа жыл мерекесімен құттықтап, сый-сияпаттарын табыстады.
– Мен мұндай құрметті күткен жоқпын, құттықтауларыңыз үшін рақмет. Сүйікті жарымды, балаларымның әкесін еске алып, алтын уақыттарыңызды бөліп, көңіл аударғандарыңызға мың да бір алғыс. Сіздерге отбасында бақыт, қызметте тек сәттілік тілеймін, - деді марқұмның жұбайы Н.Қалиева.
Айта кетелік, қаза болғаннан кейін Берікжан Қалиевтің отбасына “Айбын” ордені табысталған болатын.
Ерболат СҰЛТАНОВ,
подполковник
Орал қаласы
