Әлемді жайлаған бұл індеттен барша адамзатқа қиындық төніп тұрғандығы аян. Сондықтан Президентіміздің халыққа үндеу салып, ақ халатты абзал жандардың айтқанын бұлжытпай орындап, құлақ асқанымыз абзал.
Қай ұлттың болсын, өз ұрпағының аман болуын аңсайтын адам баласы сақтық шараларын сақтауы тиіс.
Көпшілік жиналатын орындарға ортаға бармауды, тазалық сақтауды естен шығармау керек. Шыдамдылық, сабырлық танытсақ, осы кеселден аман-есен шығамыз. Бүгінгі ұрпағымыздың аман жетілуін қадағалап, тазалықты сақтасақ, бұл қатерден де қауіп сейіледі.
Талай-талай нәубет, талай-талай зұлмат жылдар бастан өтті. Қаншама ата-бабамыздың саны азайса да алға сүйреп келе жатқан – бір Алла бар. Халқымыз аман болсын! Аллаға сыйынып, амандығымызды тілеп, көпшілік ортаға бармай, ағайынға тоқтау-ақылымызды айтып, шектелген шараларды сақтап, өзімізді, бойымызды таза ұстайық!
Нұржан Сертеков,
домбырашы, ҚР Білім беру ісінің құрметті қызметкері
