Баллерупте (Дания) тректегі велоспорттан әлем чемпионаты аяқталды. Olympic.kz Қазақстан командасының нәтижелерін ұсынды.
Сурет: Olympic.kz
Отандық құрамадағы үздік спортшы болып Кирилл Курдиди танылды. Ол гит бойынша финалға жетіп, онда жетінші орыннан көрінді. Омниум бойынша жарыс жолына шыққан Рамис Дінмұхаметов 18-ші орын алса, шығып қалуға жарыстан 14-ші орыннан көрінді.
Қуалап жарысудан Илья Қарабұтов 20-ші орынға жайғасты. Ал Әлішер Жұмақан ұпай бойынша 16-ші болып келді.
Кейрин бойынша Кирилл Курдиди 23-ші болып жетсе, Илья Қарабұтов скрэтч бойынша жүлде алу үшін барын салды, нәтижесінде мәреге 19-ші болып келді.
Айта кетелік, чемпионатқа Қазақстан атынан барлығы төрт спортшы қатысты.
