Бұл турнир елімізде осымен алтыншы рет өткізілейін деп отыр. Татами төрінде 8 елдің (БАӘ, Кувейт, Әзірбайжан, Өзбекстан, Қырғызстан, Беларусь, Ресей мен Қазақстан) 800-ге жуық спортшысы күш сынасады.
Спортты дамыту дирекциясының хабарлауынша, бәсеке кумитэ және ката бағдарламасы бойынша жасөспірімдер (10-13 жас, 14-17 жас), жастар (18-20 жас) және ересектер (18 жастан асқандар) арасында өтеді.
Еліміздің намысын Токио Олимпиадасының қола жүлдегері Софья Берульцева, Азия чемпиондары мен жүлдегерлері Қайсар Алысбай, Нұрқанат Әжіқанов, Гүлмира Үсенова, Данияр Юлдашев, Абылай Төлтай және Әсел Қанай сынды спортшылар қорғайды.
Жарыс Астана қаласындағы Beeline Аренада 25-27 тамыз күндері өтеді. Ал 25 тамыз, сағат 13:00 салтанатты түрде ашылады.
Турнирді ҚР Мәдениет және спорт министрлігінің Спортты дамыту дирекциясы мен Қазақстан каратэ федерациясы ұйымдастырады.
