Бүгін Ақордада журналистердің кәсіби мерекесі қарсаңында бірқатар журналист пен ұжымға Президенттің бұқаралық ақпарат құралдары саласындағы сыйлықтары табысталды.
Журналистика және телевизия саласының дамуына елеулі үлес қосқан бір топ азаматтың ішінде біздің, «Жайық Пресс» медиахолдингінің қос журналисті де бар.
Қазақстан Республикасы Президентінің Алғысы «Жайық Пресс» ақпарат агенттігінің бас редакторы Нұрбек Оразаевқа жарияланса, Қазақстан Республикасы Президентінің БАҚ саласындағы грантын облыстық «Орал өңірі» газеті бас редакторының орынбасары Гүлсезім Бияшева иеленді.
Қос әріптесімізді «Жайық Пресс» медиахолдингі атынан шын жүректен құттықтаймыз!
zhaikpress.kz
