Жаңа жыл мерекесі қарсаңында қауіпсіздік шаралары күшейтілді. Нәтижесінде сертификатталмаған пиротехникалық бұйымдарды сатумен айналысқан немесе оларды дұрыс сақтамаған жағдайлар бойынша 172 заңбұзушылық анықталды. Бұл туралы Ұлттық арна жазды.
Сондай-ақ Ішкі істер министрлігі рұқсат етілмеген жерлерде отшашуды қолдануға болмайтыны туралы ескертті.
«Заңбұзушылық куәсі болған кезде азаматтық белсенділік танытып, 102-ге хабарласып, құқықбұзушылық фактілерін фото және бейнеге түсіріп, 102-ге жолдауларыңызды сұраймыз», - дейді ҚР ІІМ әкімшілік полиция комитетінің басқарма бастығы Асылбек Ыдырысов.
