Премьер-министр Олжас Бектенов президенттің жарлығымен Асқарбек Ертаев еңбек және халықты әлеуметтік қорғау министрі қызметіне тағайындалғанын еске салды. Ол бұл қызметте Светлана Жақыпованы алмастырды.
фото: avatars.mds
Қазақстан Республикасының үкіметі туралы Конституциялық заңға сәйкес, үкіметтің жаңа мүшесі ант берді.
"Қазақстан халқы мен президенті алдында өз Отаным – Қазақстанның экономикалық және рухани даму ісіне барлық күш-жігерімді, білімімді жұмсауға және мемлекеттің Конституциясы мен заңдарын қатаң сақтауға, өзімнің барлық іс-әрекетімде заңдылық пен әділеттілік, азаматтық, ұлтаралық және конфессияаралық татулық принциптерін ұстануға, Қазақстан халқына адал қызмет етуге, өз елімнің мемлекеттілігі мен дүниежүзілік қоғамдастықтағы беделін нығайта беруге салтанатты түрде ант етемін", - деді Асқарбек Ертаев.
