Синоптиктер Қазақстанда 25-27 шілде аралығында ауа райы қандай болатынын болжады, деп хабарлайды Massaget.kz тілшісі "Қазгидромет" РМК мәліметіне сілтеме жасап.
Болжам бойынша, алдағы күндері атмосфералық бөліктерге байланысты Қазақстанның басым бөлігінде найзағай ойнап, екпінді жел соғады. Сондай-ақ, жаңбыр жауады, солтүстікте, шығыста бұршақ жаууы ықтимал.
"27 шілдеде облыстың шығысында қатты жаңбыр күтіледі. Солтүстік-батыс антициклон сілеміне байланысты 25-26 шілдеде оңтүстікте, 27 шілдеде елдің батыс аймақтарында жауын-шашынсыз ауа райы күтіледі. Температуралық фонда күрт өзгерістер күтілмейді", - делінген хабарламада.
