Былтырдан бері көкөніс егіп бастаған едік. Алғашқыда пияз, сәбіз, қызанақ ектік. Биыл тәуекелге барып, қауын мен қарбыз егіп көрдік .
Жәнібек ауданында мұндай дақылдар өседі дегенге көпшілік сенбей жатады. «Бұл жақтың климатына келмейді» деген стереотип қалыптасқан. Бірақ еңбек пен ізденістің арқасында бәрі мүмкін екеніне көзіміз жетті.
Барлық негізгі жұмысты ағам — Ахметов Ержан атқарып отыр. Өзі агроном мамандығын бітірген, үнемі ізденісте жүреді, білімімен бөлісіп, маған да көп көмегін тигізіп келеді. Мен де шаруашылықта қолғабыс берудемін.
Биылғы өніміміз қуантты:
Қауынның салмағы 9 - 13 кг-ға дейін
Қарбыздың салмағы 21 - 23 кг-ға жетті!
Қазір осы өнімдерімізбен Сайхын мен Жәнібек аудандарының халқын қамтып отырмыз.
Еңбек бар жерде – береке бар!
Фотоға түсірген: Мейірбек Тажқұранов
