Жапонияның пошта қызметі 2023 жылдың сәуірінен бастап дрондар арқылы хаттар мен сәлемдемелерді жеткізуге ниеттеніп отыр, деп хабарлайды Egemen.kz.
Арнайы жасалған дрон салмағы 5 кг-ға дейінгі жүктерді 35 шақырымға дейінгі аралықта тасымалдауға қабілетті.
Бұл әдіс негізінен Күншығыс елінің таулы аймақтарында және курьерлері аз шалғай аралдарға хат-хабарларды жеткізу үшін қолданылмақ.
Айта кетейік, Жапонияда азаматтық авиация туралы заңға ұшқышсыз ұшқыштарды тұрғын аудандарда пайдалануға рұқсат беретін түзетулер енгізілді. Бұған дейін ұшқышсыз ұшқыштар тек адам тұрмайтын аумақтардың үстінен ұшу үшін ғана қолданылатын.
