Қарағанды қаласында өтіп жатқан бокстан ересектер арасындағы ел чемпионатының финалына шыққан батысқазақстандық Даниял Сәбит ел чемпионы атанды.
Сурет Спортты дамыту дирекциясының парақшасынан алынды
Ақтық сында ақтөбелік Бекзат Алдамжаровпен қолғап түйістірген Даниял үш раунд бойы басымдық көрсетіп, ел біріншілігінің алтын жүлдесін қанжығасына басты.
Видеодан скрин
– Өте қуаныштымын. Бірақ біздің мақсат ел ішінде бір-бірімізді сындыру емес. Кім жеңіске жетсе де қазақ баласы жеңді деп білу керек. Финалдағы қарсыласым Бекзат Алдамжаров өте батыл, ерік-жігері мықты жігіт. Осыған дейін жастар арасындағы ел чемпионатында кездескен едік. Алдағы мақсатым – ірі халықаралық додаларда әлем, Азия чемпионаттары мен олимпиада ойындарында атой салу, - деді Даниял кездесу соңында Sport+ Qazaqstan арнасына берген сұхбатында.
Айта кетейік, Даниял Сәбит осымен екінші мәрте Қазақстан чемпионы атанып отыр.
Түгелбай Бисен
zhaikpress.kz
