2026 жылғы 31 наурыз күні сағат 14:00-де Орал қаласы облыстық көпсалалы балалар ауруханасының қабылдау бөліміне 23 бала, облыстық көпбейінді ауруханасының қабылдау бөліміне жол-көлік оқиғасы салдарынан 7 ересек зардап шегуші жеткізілді.
Алынған мәліметтерге сәйкес, жол-көлік оқиғасы Теректі ауданы, Подстепное ауылында орын алған.
Оқиға салдарынан зардап шеккен 4 бала облыстық көпсалалы балалар ауруханасының травматология бөліміне жабық бас-ми жарақаты диагнозымен жатқызылды.
19 бала, 7 ересек науқастар толық тексеруден өткеннен кейін (рентгенография, ультрадыбыстық зерттеу, компьютерлік томография, зертханалық зерттеулер) және бейінді мамандардың қарауынан соң, ұсыныстармен амбулаториялық ем қабылдауға жіберілді.
БҚО Денсаулық сақтау басқармасының баспасөз қызметі
