ҚР Тәуелсіздігінің 25 жылдығына орай Қаратөбе аудандық М.Мералиев атындағы тарихи-өлкетану музейінің ұйымдастыруымен жастар арасында «Мықты болсаң, жеңіп көр!» атты спорттың дойбы, шахмат түрлерінен жарыс оздырылды.
Ойыншылар шаршы тақта үстінде тез ойлауға, тез шешім қабылдап, алма-кезек жүріс жасап, жақсы ойын көрсетіп бақты.
Ойын барысында жастардың математикалық қабілеттіліктеріндегі қайраттылық, табандылық, намысқойлық сынды қасиеттері, сондай-ақ жеңіске жетуге деген құштарлықтары байқалды.
Жарысқа «Нұр Отан» партиясының Қаратөбе филиалының, аудандық жастармен жұмыс жөніндегі ресурстық орталығының мамандары қатысты.
Жарыс қорытындысында шахмат ойынында І орынды Айбар Қайырмұхамбетов, ІІ орынды Айгүл Арыстанова, ІІІ орынды Әмірхан Сисенғали иеленді.
Ал, дойбыдан І орынды Дулат Наушекенов, ІІ, ІІІ орынды Гүлзира, Жұпар Есқайровалар өзара бөлісті.
Жеңімпаз-жүлдегерлерге дипломдар мен кітаптар сыйға тартылды.
Тоты Есқайырова
Қаратөбе ауданы
